Ndarja nga jeta e Engjëll Daklit, ish-kryeministri Berisha mesazh për familjen

0
345

Ish-kryebashkiaku, ish-ministri dhe anëtari i PD-së, Engjël Dakli ka ndërruar jetë ditën e sotme si pasojë e Covid-19.

Me anë të një mesazhi drejtues familjes, ish-kryeministri Sali Berisha ka shprehur ngushëllimet për ndarjen nga jeta të Daklit.

Mesazhi i ish-kryeministrit Sali Berisha:

Engjel Dakli mbyll sytë përgjithmonë!

Miq, Engjel Dakli, një personalitet i njohur vendit, veprimtar i shquar i Partisë Demokratike, ish deputet dhe ish-ministër i saj, ish-kryetar i Bashkisë së Elbasanit dhe qytetar nderi i këtij qyteti nuk është më midis nesh.

Pasardhës i një familje intelektuale, atdhetarë të nderuar, Engjell Dakli do rreshtohej që në fillim në radhët e Partisë Demokratike dhe me aftësitë, virtutet, përkushtimin e tij shembullor do të jepte një kontribut të shquar në qeverisjen qëndrore dhe vendore të vendit.

Ndarja e parakohshme e tij nga jeta është një humbje dhe zi për familjen, miqtë dhe të afërmit, qytetin e Elbasanit, Partinë Demokratike dhe vendin në tërësi.

Në këtë ditë dhimbje dhe zije unë i shpreh familjes së respektuar Dakli, ngushëllimet e mia më të ndjera dhe lutem së bashku me ta që shpirti i mirë i Engjullit të tyre të gjej paqen e merituar.

Amin!

© SYRI.net

LEAVE A REPLY

Please enter your comment!
Please enter your name here