Aksioni blic në Vlorë me 28 të arrestuar, të implikuar edhe punonjës policie. Si u zbulua rrjeti i trafikantëve

0
143

UPDATE/ Aksioni policor antikanabis që u zhvillua sot në Vlorë, ku u godit një rrjet kultivuesish dhe trafikantësh kanabisi, ka zbuluar të implikuar në këtë veprimtari edhe punonjës policie.

Ish-ministri i Brendshëm Sandër Lleshaj, duke reaguar në rrjetet sociale, thotë se ky operacion “është vetëm një shembull që tregon se përse kemi arritur tek ky sukses”, në luftën kundër kanabisit.

“Operacioni i sotëm i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të Policisë, është vetëm një shembull që tregon se përse kemi arritur tek ky sukses që duhet të bëjë krenar të gjithë ata që kanë luftuar për këtë qëllim madhor”, shkruan Lleshaj në statusin e tij.

Aksioni blic në Vlorë me 28 të arrestuar/ Zbardhen detaje, rrjeti i trafikantëve u zbulua me përgjime dhe…

Zbardhen të tjera detaje nga aksioni policor antidrogë në Vlorë ku deri tani janë sekuestruar një sasi e madhe narkotikësh dhe 2 armë në banesa të ndryshme ku është ushtruar kontroll.

Aksioni blic ka nisur rreth orës 3.00 të mëngjesit dhe urdhër arrestet janë ekzekutuar gjatë natës deri mëngjesin e sotëm.

Mësohet se në total janë lëshuar 40 urdhër arreste.

Deri tani janë 28 të arrestuar, 2 të shpallur në kërkim, 5 persona me arrest shtëpie  dhe 5 te tjere detyrim paraqitje.

Urdher arrestet janë prerë me urdhër të prokurorisë së Vlorës dhe kërkesë të policisë gjatë të premtes dhe të shtunës.

Operacioni vjen pas nje hetimi me metoda speciale dhe përgjime ambientale.

Aksion blic në Vlorë, 28 të arrestuar deri tani. Ja çfarë po kontrollohet

Policia e Shtetit ka nisur një aksion blic antidrogë në lumin e Vlorës dhe qytetin bregdetar.

Gazetari i Panorama, bën me dije se 28 persona janë arrestuar deri tani me akuzat për kultivim dhe trafikim të lëndëve narkotike. Ndërsa për 10 persona të tjer ë është vendosur masa e sigurisë “arrest në shtëpi” dhe ndaj pesë të tjerëve, “detyrim paraqitje”.

Burimet thanë se rrjeti i trafikantëve ka qenë në mbikqyrje prej disa kohësh dhe policia lokale ka arritur të sekuestrojë një sasi të konsiderueshme me lende narkotike kanabis.

Sakaq, operacioni eshte ende ne vijim për kontrollin e disa bazave dhe banesave në të cilat policia lokale dyshon se mund të gjejë elementë që ndihmojnë hetimin.

Për të gjithë të ndaluarit tashmë janë prerë urdhër arrestet.

© Panorama.al

LEAVE A REPLY

Please enter your comment!
Please enter your name here