EMRAT/ Kush janë nipat e deputetit të PS që u arrestuan për trafik kokaine nga Amerika Latine në drejtim të tre vendeve të BE-së

0
85

Të tjera detaje janë zbardhur në lidhje me operacionin e koduar “Atos”, ku në pranga janë vënë disa shqiptarë.

operacioni atos nipat e deputetit te ps

Burime për “Panorama.al” bëjnë të ditur se personat e arrestuar janë Musa Gjikola, Genti Balliu alias Flamur Balliu, Ramazan Rraja, Fioralb Rraja, Bledar Pepaj dhe Fatmir Xhecuka.

Po të njëjtat burime bëjnë të ditur se Ramazan  dhe Fioralb Rraja, janë dy nipat e deputetit të PS, Rrahman Rraja.

Ramazan Rraja më shumë se një vit më parë është filmuar  pranë ambienteve të QSUT-së, duke dhunuar një grua.

Në kuadër të operacionit “ATOS”, në periudha të ndryshme gjatë vitit 2019 dhe vitit 2020 janë sekuestruar nga Policia belge, në bashkëpunim me Policinë shqiptare, rreth 232 kilogramë kokainë, një armë zjarri pistoletë, si dhe rreth 200 mijë euro.

Si funksiononte grupi

Ky grup kriminal funksiononte duke ngarkuar lëndën narkotike në kontenierët e bananeve nga Amerika Latine, duke e fshehur lëndën narkotike në arkat e bananeve dhe në trupin e kontenierëve.

Pasi kontenierët e pajisur nga trafikantët me GPS mbërrinin në destinacion, trafikantët, për të mos u identifikuar dhe zbuluar, organizonin vjedhje me armë të lëndës narkotike nga magazinat ose dhomat e pjekjes së bananeve.

Në këtë megaoperacion, për ushtrimin e kontrolleve në banesat e të arrestuarve u përfshinë strukturat hetimore të antidrogës në Departamentin e Policisë Kriminale, në bashkëpunim me Drejtoritë Vendore të Policisë Tiranë, Durrës, Shkodër e Lezhë, nën drejtimin e SPAK-ut.

Gjithashtu, një grup specialistësh të Departamentit të Policisë Kriminale kanë zhvilluar në Gjermani dhe në Belgjikë, takime të përbashkëta më homologët, për të koordinuar veprimet që çuan në goditjen e këtij grupi të strukturuar kriminal.

Njëkohësisht, nën drejtimin SPAK-ut, për shtetasit shqiptarë të arrestuar gjatë operacionit ka filluar hetimi pasuror.

panorama.al

LEAVE A REPLY

Please enter your comment!
Please enter your name here