“Vendi ka nevojë për autoritete morale”- Pas dorëheqjes, Sandër Lleshaj takon ish-Presidentin Moisiu! Ja mesazhi i tij

0
44

Ish-ministri i Brendshëm Sandër Lleshaj është takuar ditën e sotme me ish-Presidentin e Republikës, Aleksandër Moisiu, duke cilësuar se ky është takimi i parë për vitin e ri 2021.

lleshaj moisiu

Në një postim në facebook, Lleshaj bën të ditur se sëbashku me Moisiun kanë diskutuar për çështje që lidhen me përkrahjen e të rinjve në shërbim të zhvillimit të vendit, për nevojën e promovimit të vlerave profesionale dhe atdhetare në krye të institucioneve shtetërore si dhe për tema të tjera.

Teksa thotë se vendi i ka të gjithë autoritetet e nevojshme shtetërore, Lleshaj thekson se vendi dhe shoqëria kanë nevojë edhe për autoritete morale, sikurse është Alfred Moisiu. Sipas ish-ministrit, ish-Presidenti Moisiu “është një ndër autoritetet e larta morale të këtij vendi, për arsye të shembullit të treguar dhe standardit të vendosur në ushtrimin me dinjitet të detyrës së kreut të shtetit shqiptar.”

Njoftimi i plotë:

NJË TAKIM ME PRESIDENTIN MOISIU

Sot e fillova vitin e ri me nje takim mjaft mbresëlënës me Presidentin Alfred Moisu. Diskutuam për shumë çështje të rëndësishme që lidhen me përkrahjen e të rinjve në shërbim të zhvillimit të vendit, për nevojën e promovimit të vlerave profesionale dhe atdhetare në krye të institucioneve shtetërore si dhe për tema të tjera.

Vendi ynë i ka të gjitha autoritetet e nevojshme shtetërore. Madje, për shkak të qarkullimit të shpeshtë, ka me shumicë të tillë. Por këto nuk mjaftojnë kurrësesi për mbarëvajtjen dhe orientimin e një vendi dhe të një shoqërie.

Vendi dhe shoqëria kanë nevojë edhe për autoritete morale, për burra dhe gra të cilëve u zë vend fjala dhe u ndiqet shembulli, jo për arsye të ligjit, por për arsye të moralit.

Presidenti Alfred Moisu është një ndër autoritetet e larta morale të këtij vendi, për arsye të shembullit të treguar dhe standardit të vendosur në ushtrimin me dinjitet të detyrës së kreut të shtetit shqiptar.© Panorama.al

LEAVE A REPLY

Please enter your comment!
Please enter your name here